மதுரை நகைக்கடை கொள்ளை - பிரபல யூடியூபர் கைது

காணொளிக் குறிப்பு, மதுரை நகைக்கடை கொள்ளை; சமூக ஊடக பிரபலம் கைது
மதுரை நகைக்கடை கொள்ளை - பிரபல யூடியூபர் கைது
பிரசுரிக்கப்பட்டது

மதுரை காளவாசல் பைபாஸ் சாலையில் அமைந்துள்ள 'தனிஷ்க்' நகைக்கடையில் நடந்த கொள்ளை சம்பவத்தில் சமூக ஊடக பிரபலம் மீனாட்சி கைது செய்யப்பட்டுள்ளார். குற்றச்செயலில் ஈடுபட்டதாக சந்தேகிக்கப்படும் நபருக்கு இவர் உதவியதாக மதுரை மாநகர காவல் ஆணையர் ராஜேந்திரன் பிபிசியிடம் கூறினார்.

சுமார் 11.5 கிலோ நகைகள் வரை காணாமல் போயுள்ளதாக காவல் ஆணையர் ராஜேந்திரன் கூறிய நிலையில், அந்த நகைகளை மீட்கும் பணியில் காவல்துறை ஈடுபட்டுள்ளது. அதன் ஒரு பகுதியாக, மடக்குளம் வயல்வெளியில் மீனாட்சி அடையாளம் காட்டிய இடத்தில் இருந்து நகைகள் மீட்கப்பட்டுள்ளன. எனினும், எவ்வளவு நகைகள் மீட்கப்பட்டன என்பது குறித்த விவரங்கள் இன்னும் அதிகாரப்பூர்வமாக தெரிவிக்கப்படவில்லை.

- இது, பிபிசிக்காக கலெக்டிவ் நியூஸ்ரூம் வெளியீடு