அரசுப் பள்ளியின் இலவசப் பாடநூல்கள் விற்பனையா? தலைமை ஆசிரியை சஸ்பெண்ட்

காணொளிக் குறிப்பு, மாணவர்களின் இலவசப் பாடநூல்களை விற்பனை செய்த தலைமை ஆசிரியை?
அரசுப் பள்ளியின் இலவசப் பாடநூல்கள் விற்பனையா? தலைமை ஆசிரியை சஸ்பெண்ட்
பிரசுரிக்கப்பட்டது

அரசு பள்ளி மாணவர்களுக்கு வழங்கப்படும் இலவசப் பாடப்புத்தகங்களை, பழைய பேப்பர் வியாபாரியிடம் எடைக்குப் போட்டு விற்பனை செய்ததாக அரசுப் பள்ளித் தலைமை ஆசிரியை பணியிடை நீக்கம் செய்யப்பட்டுள்ளார்.

திருச்சி மாவட்டம் முசிறி அருகே உள்ள தும்பலம் ஊராட்சி ஒன்றிய தொடக்கப்பள்ளியில் 75-க்கும் மேற்பட்ட மாணவ, மாணவிகள் படித்து வருகின்றனர்.

தமிழ்நாடு அரசின் முப்பருவக் கல்வி முறையின்கீழ், மாணவர்களுக்கு இலவசப் பாடப்புத்தகங்கள் வழங்கப்பட்டு வருகின்றன. இந்நிலையில், முதற்பருவம் முடிந்ததும் மாணவர்கள் பயன்படுத்திய பாடப்புத்தகங்களை திரும்பப்பெற்று அதை பழைய பேப்பர் வியாபாரியிடம் எடைக்குப் போட்டு விற்பனை செய்ததாக பெற்றோர்கள் தெரிவிக்கின்றனர்.

இதுகுறித்துப் பேசிய மஞ்சுளா புக் பேங்கில் வைப்பதற்காக வாங்கிய புத்தகக்ங்கள் அதிகம் இருந்ததால் அறைக்குள் கொசு அதிகரித்ததாகவும் இதனால் புத்தகத்தை எடைக்கு போட்டதாகவும் தெரிவித்தார்.

இதுத் தொடர்பான செய்தி வெளியானதைத் தொடர்ந்து, திருச்சி மாவட்ட தொடக்கக் கல்வி அலுவலர் மதியழகன் விசாரணை நடத்தினார். இதைத் தொடர்ந்து, தலைமை ஆசிரியை மஞ்சுளாவைத் தற்காலிகப் பணியிடை நீக்கம் செய்து உத்தரவிட்டுள்ளார். மேலும், இந்த சம்பவம் தொடர்பாக விசாரணை நடைப்பெற்றுவருவதாக தெரிவிக்கப்பட்டுள்ளது

கவனிக்கவும்: இந்தச் செயலி பிரிட்டனிலும் அமெரிக்காவிலும் கிடைக்காது. இதில் ஆங்கில மொழிப் பதிப்பு இல்லை.

- இது, பிபிசிக்காக கலெக்டிவ் நியூஸ்ரூம் வெளியீடு