"தேள்கள் மீதான மக்களின் பயம் குறையும்" - புகைப்படங்களுக்கான ‘ஆஸ்கரை’ வென்ற இந்தியர்
புகழ்பெற்ற சர்வதேசப் போட்டியான '2026ஆம் ஆண்டின் சிறந்த வனவிலங்கு புகைப்படக் கலைஞர்' போட்டியில், முதுகெலும்பற்ற உயிரினங்கள் பிரிவில் சிறந்த புகைப்படத்துக்கான விருதை வென்ற படம் ஒரு தேளினுடையது.
மகாராஷ்டிராவின் பத்லாப்பூரைச் சேர்ந்த சீதாராம் ராவுல் இந்தப் புகைப்படத்தை எடுத்துள்ளார்.
"புகைப்படம் எடுப்பது எனது உணர்வுகளை வெளிப்படுத்துவதற்கான ஒரு வழி. நான் இயல்பிலேயே அதிகம் பேசாத, தனிமையை விரும்பும் நபர். அதனால், வார்த்தைகள் மூலம் எனது உணர்வுகளை வெளிப்படுத்துவது எனக்குச் சற்று கடினம். பிறர் முன்னிலையில் என்னை வெளிப்படுத்திக்கொள்ள விரும்பும்போது, புகைப்படங்கள் மூலமாக அதைச் செய்கிறேன்." என்கிறார் அவர்.
சீதாராமின் புகைப்படப் பயணம், விலங்குகளைக் காப்பாற்றும் பணியிலிருந்துதான் தொடங்கியது. முதலில் தான் மீட்ட விலங்குகளை புகைப்படம் எடுத்து வந்தார். அப்போது தான் வனவிலங்குகளைப் புகைப்படம் எடுப்பதில் அவருக்கு ஆர்வம் ஏற்பட்டது.
இயற்கை வரலாற்று அருங்காட்சியகம் ஒவ்வோர் ஆண்டும் இந்தப் போட்டியை நடத்துகிறது. இந்த ஆண்டு கிடைத்த விருது, தேள்களைப் பற்றிய மக்களின் பார்வையில் சிறிய மாற்றத்தையாவது ஏற்படுத்தும் என்று சீதாராம் நம்புகிறார்.
- இது, பிபிசிக்காக கலெக்டிவ் நியூஸ்ரூம் வெளியீடு



