எஸ்ஐஆரில் படிவம் 6-ஐ மாற்றியது ஏன்? காக்ரோச் ஜனதா கட்சி கேள்வி

வாக்காளர் பட்டியலில் பெயர்களைச் சேர்க்கப் பயன்படுத்தப்படும் படிவம்-6 தொடர்பாக திங்கட்கிழமை அன்று, உச்ச நீதிமன்றம் ஒரு முக்கியக் கருத்தைத் தெரிவித்தது.

படிவம்-6-ல் செய்யப்பட்ட மாற்றத்திற்கு உச்ச நீதிமன்றம் ஒப்புதல் அளிக்கவில்லை என்று இந்தியத் தலைமை நீதிபதி சூர்ய காந்த் கூறினார். இந்நிலையில் சி.ஜே.பி செய்தித் தொடர்பாளர் சவுரவ் தாஸ் இதுதொடர்பாக செய்தியாளர்களை சந்தித்தார்.

உச்சநீதிமன்ற தலைமை நீதிபதி சூர்யகாந்த், "மாற்றப்பட்ட படிவம் 6 எங்களால் அங்கீகரிக்கப்படவில்லை. தெளிவாக இருக்கட்டும். பதிவு உருவாக்கப்படும் போது, அதை யார் மாற்றினார்கள் என்பதை நாங்கள் பார்க்க விரும்புகிறோம்." என்றார்.

"படிவம் 6-ஐ மாற்றுவதற்கு உங்களுக்கு யார் அதிகாரம் வழங்கியது என நாங்களும் ஞானேஷ் குமாரை கேட்க விரும்புகிறோம்? எந்த அடிப்படையில் நீங்கள் படிவம் 6-ல் மாற்றங்கள் செய்தீர்கள்? இரண்டு தேர்தல் ஆணையர்கள் உங்களிடம் எழுத்துப்பூர்வமாக தங்களுடைய எதிர்ப்பைத் தெரிவித்து, தேர்தல் விதிமுறைகள் திருத்தப்பட வேண்டும் என்றும், அதன் மூலமாகத்தான் மாற்றங்கள் செய்யப்பட வேண்டும் என்றும், சட்டத்தில் மாற்றம் செய்யப்பட்ட பிறகே படிவம் 6-ஐ மாற்ற முடியும் என்றும் கூறியிருந்தார்கள்.

அப்படியிருந்தும், உங்கள் தேர்தல் ஆணையம் ஏன் படிவம் 6-ஐ அப்படியே வைத்திருக்கவில்லை? ஏன் அந்த படிவம் 6-ஐ மாற்றினீர்கள்? இதன் மூலம் ஞானேஷ் குமார் சட்டத்தின் விதிகளை பின்பற்றவில்லை என்பது தெளிவாகிறது. அவர் சிலரின் தனிப்பட்ட நலன்களுக்கே முக்கியத்துவம் அளிக்கிறார். யார் அவர்கள்? "எந்த அடிப்படையில் நீங்கள் படிவம் 6-ல் மாற்றங்கள் செய்தீர்கள்?" என்று உச்சநீதிமன்ற நீதிபதியின் கருத்தை குறிப்பிட்டு இந்திய தலைமை தேர்தல் ஆணையர் ஞானேஷ் குமாரைக் சி.ஜே.பி செய்தித் தொடர்பாளர் கேள்வி எழுப்பினார்.

தலைமைத் தேர்தல் ஆணையர் ஞானேஷ் குமாரின் செயல்பாடுகள் குறித்துக் கேள்விகள் தொடர்பான மனுக்களை, உச்ச நீதிமன்றம் இன்று விசாரிணைக்கு எடுத்தது. அப்போது எஸ்ஐஆர் விவகாரம் தொடர்பாக இந்திய தலைமை தேர்தல் ஆணையர் ஞானேஷ் குமார் மீது நடவடிக்கை எடுக்க கோரிய மனு தொடர்பாக மத்திய அரசு மற்றும் இந்திய தேர்தல் ஆணையத்துக்கு நோட்டீஸ் அனுப்ப உச்ச நீதிமன்றம் உத்தரவிட்டது.

- இது பிபிசிக்காக கலெக்டிவ் நியூஸ்ரூம் வெளியீடு