புதிய அரசு அமைக்க அழைப்பு: இஸ்ரேலில் நெதன்யாகுவை பின்னுக்குத் தள்ளிய ஐசென்கோட் யார்?

காணொளிக் குறிப்பு, இஸ்ரேலில் அமையவுள்ள காடி ஐசென்கோட்டின் புதிய அரசு
புதிய அரசு அமைக்க அழைப்பு: இஸ்ரேலில் நெதன்யாகுவை பின்னுக்குத் தள்ளிய ஐசென்கோட் யார்?
பிரசுரிக்கப்பட்டது

காடி ஐசென்கோட். இஸ்ரேலில் புதிய அரசு அமைக்க அழைக்கப்பட்டுள்ளார். இவர் அரசியலுக்கு புதியவர். 2022ஆம் ஆண்டில்தான் அவர் முறையாக அரசியலில் நுழைந்தார்.

எனினும் கடந்த முப்பது ஆண்டுகளில் பெரும்பாலான காலம் இஸ்ரேலை வழிநடத்திய பெஞ்சமின் நெதன்யாகுவுக்கு எதிர்பாராத சவாலாக உருவெடுத்துள்ளார். யார் இந்த ஐசன்கோட்?

ஆம், இஸ்ரேலிய அதிபர் ஐசக் ஹெர்சாக் புதிய கூட்டணி அரசாங்கத்தை அமைக்கும் பொறுப்பை காடி ஐசென்கோட்-க்கு ஒப்படைத்துள்ளதாக தெரிவித்துள்ளார்.

யார் இந்த காடி ஐசன்கோட்?

இவர் இஸ்ரேலிய ராணுவத்தின் முன்னாள் தலைமை தளபதி ஆவார். 2022-ல் அவர் அதிகாரப்பூர்வமாக அரசியலில் நுழைந்தார். காடி ஐசென்கோட் தேசிய ஒற்றுமை கட்சியிலிருந்து இஸ்ரேலிய நாடாளுமன்றத்தின் உறுப்பினரானார். பின்னர், தனக்கு கொள்கை வேறுபாடுகள் இருப்பதாகக் கூறி கட்சியை விட்டு வெளியேறினார். கடந்த ஆண்டு, முக்கிய எதிர்க்கட்சித் தலைவர்களிடமிருந்து பிரிந்து, அவர் தனது சொந்த மத்தியவாத கட்சியான யாஷாரை உருவாக்கினார். "யாஷார்" என்றால் நேர்மை அல்லது உண்மை என்று பொருள்.

இதனையடுத்து நெதன்யாகுவின் மிகப்பெரிய போட்டியாளராக அவர் உருவெடுத்தார்.

நெதன்யாகுவை எதிர்த்துப் போட்டியிடும் ஐசென்கோட்டின் முடிவுக்குப் பின்னால் ஒரு தனிப்பட்ட சோகமும் உள்ளது.

காடி ஐசென்கோட்டின் 5 குழந்தைகளில் இளையவரான மாஸ்டர் சார்ஜென்ட் கால் ஐசென்கோட், டிசம்பர் 2023-ல் வடக்கு காஸாவில் ஏற்பட்ட குண்டுவெடிப்பில் கொல்லப்பட்டார்.

தனக்கு இரண்டு பெட்டிகளில் வழங்கப்பட்ட தனது மகனின் உடமைகளை தான் இன்னும் பார்க்கவில்லை என்று காடி ஐசென்கோட் கூறுகிறார். காஸா போரில் அவரது மகனுடன் இரண்டு மருமகன்களும் கொல்லப்பட்டனர்.

இந்தத் தனிப்பட்ட இழப்பும், ஹமாஸ் நடத்திய முன்னெப்போதும் இல்லாத தாக்குதல்களைத் தடுத்து நிறுத்த நெதன்யாகு அரசு தவறிவிட்டது என்ற எண்ணமும் அவரது அரசியல் லட்சியங்களை மேலும் வலுப்படுத்தின.

Text - நெதன்யாகுவைப் பொறுப்பேற்க வைக்கும் நோக்கம்

நெதன்யாகுவையும் அவரது அமைச்சரவையையும் பொறுப்புக்கூறச் செய்வது ஐசென்கோட்டின் முக்கிய நோக்கங்களில் ஒன்றாக உள்ளது.

அக்டோபர் 7ஆம் தேதி தாக்குதல்களுக்குப் பிறகு, தேசிய ஒற்றுமையை வெளிப்படுத்தும் வகையில், ஐசென்கோட்டும் மற்ற சில எதிர்க்கட்சித் தலைவர்களும் பிரதமர் நெதன்யாகுவின் போர்க்கால அமைச்சரவையில் இணைந்தனர்.

ஆனால், 2024 ஜூன் மாதம் அவர் போர்க்கால அமைச்சரவையிலிருந்து விலகினார்.

போர்க்கால அமைச்சரவையில் இருந்தபோது, காஸாவில் மேற்கொள்ளப்பட்ட சில முக்கிய ராணுவ நடவடிக்கைகளுக்கு ஐசென்கோட் எதிர்ப்புத் தெரிவித்ததாக நெதன்யாகு கூறுகிறார். அவரைப் பொறுத்தவரை, ஐசென்கோட்டின் உத்தியைக் பின்பற்றியிருந்தால் ஹமாஸ் பலவீனமடைந்திருக்காது.

இதற்கிடையில், தேர்தலுக்கு சில நாட்களுக்கு முன்பு, தான் தேர்ந்தெடுக்கப்பட்டால் 18 மாதங்களுக்குள் ஹமாஸின் ஆட்சியை முடிவுக்குக் கொண்டுவருவதாக ஐசென்கோட் உறுதியளித்தார்.

இஸ்ரேலின் மூத்த பத்திரிகையாளரும் கல்வியாளருமான நாடாவ் எயல் இதுபற்றி கூறுகையில், தனிப்பட்ட இழப்பு ஐசென்கோட்டுக்கு ஒரு நோக்கத்தையும் பணியையும் அளித்துள்ளது. இந்த மிஷன் ஐசென்கோட்டின் யாஷார் கட்சி இஸ்ரேலிய நாடாளுமன்றத்தில் தற்போதைய பிரதமரை வெளியேற்றக்கூடிய கூட்டணியை உருவாக்கத் தேவையான இடங்களை வெல்வது மட்டுமல்ல. நெதன்யாகுவைப் போலவே, காசாவின் எதிர்காலத்திற்கான எந்தவொரு திட்டத்திலும் ஹமாஸுக்கு இடமிருக்கக் கூடாது என்று ஐசென்கோட்டும் நம்புகிறார்.

இஸ்ரேலுடன் ஒரு பாலஸ்தீன நாட்டை அங்கீகரிக்கப் பேசும் இரு நாடுகளுக்கு இடையேயான தீர்வை ஐசென்கோட் ஆதரிக்கவில்லை. இருப்பினும், பாலத்தீன அதிகார அமைப்புடனான இஸ்ரேலின் உறவுகளை மீட்டமைக்க விரும்புவதாக அவர் கூறியுள்ளார்.

பெரிய இஸ்ரேலிய குடியேற்றத் தொகுதிகளின் விரிவாக்கத்தை ஐசென்கோட் ஆதரிக்கிறார், இருப்பினும் இந்த விரிவாக்கம் இஸ்ரேலிய சட்டத்திற்கும் நாட்டின் நலன்களுக்கும் ஏற்ப இருக்க வேண்டும் என்ற நிபந்தனையை முன்வைக்கிறார்.

காடி ஐசென்கோட் திபேரியாஸ் நகரில் பிறந்து, எய்லாட் நகரில் வளர்ந்தார்.

ஐசென்கோட்டின் பெற்றோர் மொராக்கோவிலிருந்து வந்து 1950களில் இஸ்ரேலில் குடியேறிய புலம்பெயர்ந்தோர் ஆவர். மத்திய கிழக்கு மற்றும் வட ஆப்பிரிக்க நாடுகளைச் சேர்ந்த யூத சமூகங்கள் மிஸ்ராஹி என்று அழைக்கப்படுகின்றன. இதுவரை மிஸ்ராஹி சமூகத்தைச் சேர்ந்த யாரும் இஸ்ரேலின் பிரதமராகவில்லை. ஐசென்கோட் தனது 18 வது வயதில் இஸ்ரேலிய ராணுவத்தில் சேர்ந்து, 40 ஆண்டுகள் சேவை செய்து, பல்வேறு பதவிகளில் உயர்ந்து 2015 முதல் 2019 வரை தலைமைத் தளபதியாகப் பதவியேற்றார்.

கவனிக்கவும்: இந்தச் செயலி பிரிட்டனிலும் அமெரிக்காவிலும் கிடைக்காது. இதில் ஆங்கில மொழிப் பதிப்பு இல்லை.

- இது, பிபிசிக்காக கலெக்டிவ் நியூஸ்ரூம் வெளியீடு