காணொளி: சீன அரசு கட்டடத்தை இடித்த நபர்
காணொளி: சீன அரசு கட்டடத்தை இடித்த நபர்
பிரசுரிக்கப்பட்டது
சீனாவின் ஷான்சி மாகாணத்தில், திங்கள்கிழமை பிற்பகல் கட்டுமானப் பணிகளுக்குப் பயன்படுத்தப்படும் இயந்திரம் மூலம் அரசு அலுவலகக் கட்டடத்தைச் சேதப்படுத்திய 47 வயது நபரைப் போலீசார் கைது செய்துள்ளனர்.
சமூக ஊடகங்களில் பரவி வரும் காணொளிகளில், இயந்திரம் மூலம் அரசு அலுவலகக் கட்டடத்தின் முன்பகுதி இடித்துத் தள்ளப்படுவது பதிவாகியுள்ளது.
இந்தச் சம்பவத்தின்போது கட்டடத்துக்குள் இருந்த ஊழியர்கள் அவசரமாக வெளியேற்றப்பட்டதாக உள்ளூர் ஊடகங்கள் தெரிவித்துள்ளன. இந்தச் சம்பவத்தில் யாருக்கும் காயம் ஏற்படவில்லை என்று தெரிவித்துள்ள போலீசார், அந்த நபர் இவ்வாறு செயல்பட்டதற்கான காரணம் குறித்து எந்தத் தகவலையும் வெளியிடவில்லை.
- இது, பிபிசிக்காக கலெக்டிவ் நியூஸ்ரூம் வெளியீடு



