காணொளி: மதுரை நகைக்கடை கொள்ளை - தேடப்பட்டு வந்த நிஷாந்த் கைது
மதுரை தனிஷ்க் நகைக்கடை கொள்ளை வழக்கில் காவல்துறையால் தேடப்பட்டு வந்த நிஷாந்த் கைது செய்யப்படுள்ளார்.
நவம்பர் 12ஆம் தேதி அன்று கொள்ளை சம்பவம் நடந்த நிலையில், 5 நாட்களாக தலைமறைவாக இருந்த இவரை தருமபுரி மாவட்டம் அதியமான் கோட்டையில் வைத்து போலீசார் கைது செய்துள்ளனர்.
இந்த வழக்கில் காவல்துறையால் முக்கிய குற்றவாளியாக கருதப்படும் நிஷாந்தை பிடிக்க மதுரை மாநகர போலீசார் 9 தனிப்படைகள் அமைத்து தேடிவந்தனர்
நிஷாந்த் அடிக்கடி செல்போன் எண்களை மாற்றியதுடன், தனது இருப்பிடத்தையும் மாற்றி வந்ததால் அவரைப் பிடிப்பதில் சிக்கல் ஏற்பட்டதாக தெரிகிறது. இந்நிலையில் தற்போது தருமபுரியில் பிடிபட்டுள்ளார்.
இவ்வழக்கில் சமூக ஊடகப் பிரபலம் மீனாட்சி மற்றும் நிஷாந்தின் தந்தை சுரேஷ் ஆகியோர் ஏற்கனவே கைது செய்யப்பட்டு மதுரை மத்திய சிறையில் அடைக்கப்பட்டுள்ளனர்.
இதுவரை 5½ கிலோ கொள்ளையடிக்கப்பட்ட நகைகள் மீட்கப்பட்டுள்ளதாக தமிழ்நாடு போலீஸ் தெரிவித்துள்ளது.
- இது, பிபிசிக்காக கலெக்டிவ் நியூஸ்ரூம் வெளியீடு



