திருச்சியில் 2 சிறுவர்கள் கொலை - உறவினர்கள் சாலை மறியல்
(எச்சரிக்கை: இந்தக் காணொளி சங்கடம் தரலாம்.)
தீபாவளி பண்டிகையன்று திருச்சியில் இரட்டை கொலை சம்பவம் நடந்துள்ளது. இதில் கொல்லப்பட்ட இருவரும் சிறுவர்கள்.
திருச்சி மாவட்டம் இனாம் சமயபுரம் பகுதியைச் சேர்ந்தவர்கள் ராகுல் மற்றும் விஷாஷ், உறவினர்களான இவர்கள் இருவரும் கூலி வேலை பார்த்து வந்துள்ளனர்.
ஞாயிற்றுக்கிழமை அன்று இரவு 11.30 மணியளவில், சமயபுரம் சுங்கச்சாவடி அருகே இருவரும் சென்று கொண்டிருந்தபோது மர்ம நபர்கள் சிலர் 2 பேரையும் ஆயுதங்களால் சரமாரியாக தாக்கியுள்ளது போலீஸ் விசாரணையில் தெரியவந்துள்ளது.
இதில் இருவரும் சம்பவ இடத்திலேயே உயிரிழந்தனர். இதையடுத்து திருச்சி மாவட்ட காவல் கண்காணிப்பாளர் டோங்கரே பிரவின் உமேஷ் சம்பவ இடத்தைப் நேரில் ஆய்வு செய்தார்.
தடயவியல் நிபுணர்கள் சம்பவ இடத்தில் தடயங்களைச் சேகரித்தனர். மேலும், அப்பகுதியில் உள்ள கண்காணிப்பு கேமராக்களில் பதிவான காட்சிகளைக் கைப்பற்றி போலீசார் விசாரித்து வருகின்றனர்.
இந்நிலையில் மாவட்ட காவல் கண்காணிப்பாளர் உத்தரவின் பேரில் மூன்று தனிப்படைகளும் அமைக்கப்பட்டுள்ளன.
இந்நிலையில் குற்றவாளிகளை கைது செய்யக்கோரி திருச்சி - சென்னை தேசிய நெடுஞ்சாலையில் உறவினர்கள் சாலைமறியலில் ஈடுபட்டு வருகின்றனர்.
- இது, பிபிசிக்காக கலெக்டிவ் நியூஸ்ரூம் வெளியீடு



