காணொளி: பனிமூட்டத்தால் சாலையில் வாகனங்கள் மோதி 11 பேர் உயிரிழப்பு

காணொளிக் குறிப்பு, பல்கேரியா: கடும் பனிமூட்டத்தால் வாகனங்கள் மோதி 11 பேர் பலி
காணொளி: பனிமூட்டத்தால் சாலையில் வாகனங்கள் மோதி 11 பேர் உயிரிழப்பு
பிரசுரிக்கப்பட்டது

பல்கேரியாவின் கிழக்குப் பகுதியில், செவ்வாய்க்கிழமை கடும் பனிமூட்டம் நிலவிய நெடுஞ்சாலையில் இருபுறங்களிலும் அடுத்தடுத்து பல வாகனங்கள் மோதி விபத்துக்குள்ளானதில் 11 பேர் உயிரிழந்ததாக அந்நாட்டுப் பிரதமர் தெரிவித்துள்ளார்.

இந்த விபத்தில் காயமடைந்த 50 பேர் மருத்துவமனையில் அனுமதிக்கப்பட்டுள்ளதாக உள்துறை அமைச்சகம் தெரிவித்துள்ளது.

விபத்து நடந்த இடத்துக்கு சென்ற காவல் துறையினர், தீயணைப்புப் படையினர் மற்றும் ஆம்புலன்ஸ் குழுவினர் மீட்புப் பணிகளில் ஈடுபட்டனர்.

பல்கேரிய உள்துறை அமைச்சகத்தின் பொதுச் செயலாளர் லியூபோமிர் நிகோலோவ் கூறுகையில், கடும் பனிமூட்டமே விபத்துக்குக் காரணமாக இருக்கலாம் என்று தெரிவித்துள்ளார்.

மேலும், புர்காஸ் நகரை நோக்கிச் செல்லும் நெடுஞ்சாலையின் ஒரு பகுதியில் பேருந்து ஒன்றும் சரக்கு லாரியும் முதலில் மோதிக்கொண்டதைத் தொடர்ந்து இந்த விபத்து தொடங்கியதாகவும் அவர் தெரிவித்துள்ளார்.

- இது, பிபிசிக்காக கலெக்டிவ் நியூஸ்ரூம் வெளியீடு