திருமணத்துக்கு பிரபலங்களின் தேர்வாக கிரீஸ் இருப்பது ஏன்?
'டெஸ்டினேஷன் வெட்டிங்' செய்துகொள்வதற்காக பிரபலங்கள் கிரீஸ் நாட்டைத் தேர்வு செய்வது புதிதல்ல. பிரபலங்களின் விருப்பமான திருமணச் சுற்றுலாத் தலங்களில் ஒன்றாக கிரீஸ் திகழ்வதன் பின்னணியில் பல்வேறு அம்சங்கள் உள்ளன.
ஐரோப்பிய நாடான கிரீஸ், இயற்கை அழகுக்கும், தொன்மையான வரலாற்றுக்கும் பெயர் பெற்றது.
கிரீஸ் நாட்டில் ஆயிரக்கணக்கான தீவுகள் உள்ளன. அவற்றில் மிகப்பெரியது கிரீட் தீவு. ஏஜியன் கடலில் அமைந்துள்ள பல தீவுகள், கிரீஸ் நாட்டின் முக்கிய அடையாளங்களாகத் திகழ்கின்றன என்று அந்நாட்டின் சுற்றுலா இணையதளம் கூறுகிறது.
உயரமான மலைகள், நீண்ட கடற்கரைகள், நீல நிறக் கடல் என இயற்கை எழில் கொஞ்சும் நிலப்பரப்புகளை கொண்ட நாடு கிரீஸ்.
இதனால் 'டெஸ்டினேஷன் வெட்டிங்' செய்துகொள்வதற்காக உலகம் முழுவதிலுமிருந்தும் சுற்றுலாப் பயணிகள் அங்கு செல்கின்றனர்.
- இது, பிபிசிக்காக கலெக்டிவ் நியூஸ்ரூம் வெளியீடு



