மேகாலயாவின் பாரம்பரிய வாங்காலா நடனத்தில் கின்னஸ் சாதனை
மேகாலயாவின் மேற்கு கரோ மலைப்பகுதியில் உள்ள சிபாக்ரேவில், கரோ பழங்குடியின மக்களின் பாரம்பரிய அறுவடைத் திருவிழாவான 50வது வாங்காலா திருவிழா சனிக்கிழமை நடைபெற்றது.
'நூறு டிரம்களின் திருவிழா' என்று அழைக்கப்படும் வாங்காலா, அறுவடை வளத்திற்காக இயற்கைக்கும் தெய்வங்களுக்கும் நன்றி தெரிவிக்கும் வகையில் ஆண்டுதோறும் கொண்டாடப்படும் பாரம்பரியத் திருவிழாவாகும். இவ்விழாவில் பாரம்பரிய இசை, நடனம் மற்றும் டமா மேளங்களின் முழக்கம் முக்கிய இடம் பெறுகின்றன.
இந்த ஆண்டின் பொன்விழாக் கொண்டாட்டத்தின் சிறப்பம்சமாக, 1,000க்கும் மேற்பட்ட பாரம்பரிய டமா இசைக்கலைஞர்கள், பெண் நடனக் கலைஞர்கள் மற்றும் வீரர்களுடன் இணைந்து பிரமாண்டமான வாங்காலா நடன நிகழ்ச்சியை அரங்கேற்றினர். இந்த நிகழ்வு உலகின் மிகப்பெரிய வாங்காலா நடன நிகழ்ச்சியாக கின்னஸ் உலக சாதனைப் புத்தகத்தில் இடம்பிடித்ததுள்ளது என ஏஎன்ஐ செய்தி முகமை செய்தி வெளியிட்டுள்ளது.
- இது, பிபிசிக்காக கலெக்டிவ் நியூஸ்ரூம் வெளியீடு



