பிரசாரத்தின் கடைசி நாளில் நாதக வேட்பாளர் கைது ஏன்?
தாராபுரத்தில் இன்று காலை முதலமைச்சர் விஜய் ரோடு ஷோ செல்லும் பகுதியில் நாம் தமிழர் கட்சியினர் பிரசாரம் மேற்கொண்டதால் சலசலப்பு ஏற்பட்டது. முதலமைச்சர் விஜயின் ரோடு ஷோவுக்கு திட்டமிடப்பட்டிருந்த மீனாட்சிபுரம் அருகே உள்ள வீராச்சிமங்கலம் பகுதியில் நாம் தமிழர் கட்சியினர் இன்று காலை பிரசாரத்தில் ஈடுபட்டனர். அப்போது பாதுகாப்புப் பணியில் ஈடுபட்டிருந்த காவல்துறையினர் அவர்களை தடுத்து நிறுத்தியுள்ளனர். இதனால் காவல்துறையினருக்கும் நாம் தமிழர் கட்சியினருக்கும் இடையே வாக்குவாதம் ஏற்பட்டு, அது தள்ளுமுள்ளாக மாறியது.
பின் காவல்துறையின் நடவடிக்கையைக் கண்டித்து நாம் தமிழர் கட்சியினர் திடீர் சாலை மறியல் போராட்டத்தில் ஈடுபட்டனர். இதையடுத்து, திருப்பூர் மாவட்ட காவல் கண்காணிப்பாளர் ஸ்ருஷ்டி சிங் தலைமையில் அங்கு குவிக்கப்பட்டிருந்த நூற்றுக்கும் மேற்பட்ட காவல்துறையினர், மறியலில் ஈடுபட்ட நாம் தமிழர் கட்சி வேட்பாளர் கார்த்திகா மற்றும் தொண்டர்களை கைது அழைத்துச் சென்றனர்.
- இது, பிபிசிக்காக கலெக்டிவ் நியூஸ்ரூம் வெளியீடு
