புதிய பதவியில் டிரம்புக்கு நெருக்கமான ஸ்டீபன் மில்லர் நியமனம் - இந்தியாவுக்கு நெருக்கடியா?

காணொளிக் குறிப்பு,
புதிய பதவியில் டிரம்புக்கு நெருக்கமான ஸ்டீபன் மில்லர் நியமனம் - இந்தியாவுக்கு நெருக்கடியா?
பிரசுரிக்கப்பட்டது

அமெரிக்க அதிபர் டிரம்ப் வெள்ளை மாளிகையில் முக்கிய நிர்வாக மாற்றங்களைச் செய்து, தனக்கு நெருக்கமான ஸ்டீபன் மில்லரை புதிய தலைமைப் பணியாளராக நியமித்துள்ளார். டிரம்பின் நம்பிக்கைக்கு உரியவராக கருதப்படும் மில்லர், அமெரிக்காவின் கடுமையான குடியேற்றக் கொள்கையை வடிவமைத்ததில் மூளையாகச் செயல்பட்டவராக அறியப்படுகிறார்.

டிரம்ப் நிர்வாகத்தில் 41 வயதான மில்லர் துணைத் தலைமை பணியாளராக பணியாற்றியவர். டிரம்பின் முதல் ஆட்சிக் காலத்திலும் அவர் முக்கிய பொறுப்புகளை வகித்தார்.

டிரம்பின் இரண்டாவது ஆட்சிக் காலத்தின் முதல் நாளில் பிறப்பிக்கப்பட்ட நிர்வாக உத்தரவுகளில், பிறப்புரிமை அடிப்படையிலான குடியுரிமையை முடிவுக்குக் கொண்டு வருவது, அமெரிக்காவின் தெற்கு எல்லையில் தேசிய அவசர நிலையை அறிவிப்பது ஆகியவை இடம்பெற்றிருந்தன. இந்த உத்தரவுகளில் மில்லரின் கையொப்பமும் இடம்பெற்றிருந்தது. இது நிர்வாகத்தில் அவருக்கு இருந்த செல்வாக்கையும் முக்கியத்துவத்தையும் காட்டுகிறது.

- இது, பிபிசிக்காக கலெக்டிவ் நியூஸ்ரூம் வெளியீடு