காணொளி: காட்டுத்தீயை அணைத்துக் கொண்டிருந்த ஹெலிகாப்டர் ஆற்றில் விழுந்து விபத்து
(எச்சரிக்கை: இந்த காணொளி சங்கடம் தரலாம்)
இந்தோனீசியாவின் தெற்கு கலிமந்தான் மாகாணத்தில், காட்டுத்தீயை அணைக்கும் பணியில் ஈடுபட்டிருந்த ஹெலிகாப்டர் ஒன்று ஆற்றில் தலைகுப்புற விழுந்து விபத்துக்குள்ளானது. இந்த விபத்தில் இந்தோனீசியாவைச் சேர்ந்த பணியாளர் ஒருவர் உயிரிழந்தார். வெளிநாட்டைச் சேர்ந்த இருவர் பத்திரமாக மீட்கப்பட்டனர்.
விபத்து குறித்து விசாரணை நடைபெற்று வருவதாகவும், காட்டுத்தீயை அணைக்கும் பணிகள் தொடர்ந்து மேற்கொள்ளப்படும் என்றும் அதிகாரிகள் தெரிவித்துள்ளனர்.
எல் நினோ காலநிலை நிகழ்வின் தாக்கத்தால், இந்தோனீசியாவில் கடந்த பல மாதங்களாக காட்டுத்தீ தீவிரமாகப் பரவி வருகிறது. இதனால் நாட்டின் பல பகுதிகள் நச்சுத்தன்மை கொண்ட புகை மூட்டத்தால் சூழப்பட்டுள்ளன. இந்தப் புகை மூட்டம் அண்டை நாடுகளுக்கும் பரவியுள்ளது.
- இது, பிபிசிக்காக கலெக்டிவ் நியூஸ்ரூம் வெளியீடு



