சீனாவில் மின்சார விமானம் முதல் முறையாக பரிசோதனை

காணொளிக் குறிப்பு, சோதனையை முடித்த சீனாவின் எலெக்ட்ரிக் விமானம்
சீனாவில் மின்சார விமானம் முதல் முறையாக பரிசோதனை
பிரசுரிக்கப்பட்டது

சீன அரசுக்குச் சொந்தமான விமானத் தயாரிப்பு நிறுவனமான கோமேக் தனது சிஇ-25ஏ எலெக்ட்ரிக் விமானத்தை விமான குழுவினரோடு முதல் முறையாக சோதனை செய்து பார்த்துள்ளது.

சீனாவின் கிழக்குப் பகுதியில் உள்ள ஷான்டாங் மாகாணத்தின் பின்ஜோ நகரில் இந்தச் சோதனை நடத்தப்பட்டதாக, அரசுத் தொலைக்காட்சியான சிசிடிவி கடந்த நவம்பர் 14-ம் தேதி தெரிவித்துள்ளது.

இந்த விமானத்தில் இரண்டு விமானிகளும், ஒரு விமானச் சோதனைப் பொறியாளரும் பயணித்தனர். 16 நிமிடங்கள் 38 விநாடிகளில் 60.4 கிலோமீட்டர் தூரம் பறந்த இந்த விமானத்தின் செயல்திறன் தொடர்பான அனைத்து அளவீடுகளும் எதிர்பார்த்தபடி இருந்ததாக சிசிடிவி தெரிவித்துள்ளது.

சிஇ-25ஏ விமானத்தில் 19 பயணிகள் வரை பயணிக்க முடியும். கோமேக் நிறுவனம் உருவாக்கிய முதல் மின்சார வர்த்தக விமானம் இதுவாகும்.

குறுகிய தூரப் பயணங்களுக்காக, குறிப்பாக அருகிலுள்ள நகரங்களுக்கு இடையிலான பயணங்களுக்காக இந்த விமானம் வடிவமைக்கப்பட்டுள்ளது.

- இது, பிபிசிக்காக கலெக்டிவ் நியூஸ்ரூம் வெளியீடு