காணொளி: மேக்கப் பையில் கூடு கட்டிய புறா

பிரிட்டனில் ஒரு வீட்டின் உரிமையாளர் ஒருவர் சிறிது நாட்கள் பயணம் முடித்து வீடு திரும்பியபோது, தன் குளியலறையில் இருந்த மேக்கப் பையில் ஒரு புறா கூடு கட்டியிருப்பதை கண்டறிந்தார்.

பிரிட்டன் பெட்ஃபோர்டில் உள்ள மிம்மி ஸ்ட்ரேஞ்சர், அந்தக் கூட்டை தொந்தரவு செய்யாமல் விட்டுவிட்டார். மேலும் அந்தப் புறாவுக்கு "பிட்ஜி" என்றும், அதன் துணைக்கு "கீத்" என்றும் பெயர் வைத்துள்ளார். தற்போது அந்த ஜோடிக்கு புதிதாகப் பொரித்த இரண்டு குஞ்சுகள் உள்ளன. அவற்றை அப்படியே இருக்கவிட்டு, புதிய குடும்பத்துக்கு தனியுரிமை கொடுப்பதில் தனக்கு மகிழ்ச்சி என்று மிம்மி ஸ்ட்ரேஞ்சர் தெரிவித்தார். பிரிட்டனில் பறவைகள் வசிக்கும் கூட்டை அகற்றுவது சட்டப்படி குற்றமாகும், எனவே மிம்மி புதிய குஞ்சுகளுடன் சேர்ந்து வாழக் கற்றுக்கொண்டார்.

- இது, பிபிசிக்காக கலெக்டிவ் நியூஸ்ரூம் வெளியீடு