An Nowodhow - the News in Cornish

Available for over a year

RECORDING 1: Niver brassa a ilewydhyon, kanoryon, donsoryon hag omdowloryon dhyworth Kernow a gemeras rann a’n gool ages kyns. Askorreres rag an kanasedh Kernewek orth an Gool Keskeltek Lorient, Lowenna Hosken hy hanow, a leveris dhe vos dewisys avel an pow enorys a dhiskwedhas “braster agan avonsyans y hwrussyn ni dos, nyns on ni pow byghan namoy, yth eson ni ow sevel ha kavos spas war wariva ollvysel.” Y leveris restroryon an gool dhe denna a-dro dhe naw kans, deg ha dew ugens a vilyow a vysytyoryon ha’n diskwedhyans sportva meur re beu mirys orto gans dew vilvil ha hanter der an bellwolok frynkek. Boos, diwes, fylm, hag artys a Gernow o dhiskwedhys dres an hwarvos. Konselor Leigh Frost, Ledyer Konsel Kernow, a leveris bos an gool “ow korra Kernow dhe gres a woslowysi kowrek yn fast.” TRANSLATION: More musicians, singers, dancers and wrestlers from Cornwall took part in the festival in France ever. Lowenna Hosken, producer for the Cornish delegation at the Lorient Interceltic Festival, said being chosen as the honoured nation showed "how far we have come, we are no longer a small nation, we are standing up and really taking a presence on a world stage". Organisers said the festival had attracted about 950,000 visitors and the main stadium show had been watched by about 2.5 million on French television. Cornwall's food, drink, film and art were showcased throughout the event. Councillor Leigh Frost, leader of Cornwall Council, said the festival was "firmly putting Cornwall at the centre of a massive audience". RECORDING 2: An rester Koos rag Kernow a dhallathas yn dew vil ha nownsek yn assay dhe weres an ranndir ow korthebi dhe janj an hin. Y leveris kannas Konsel Kernow an arghans dhe weres an awtorita ow trehedhes y gosten a eth mil hektar a “nenlen gwedhen nowydh erbynn dew vil pymthek warn ugens.” An ragdres re gomprehendyas plansa gwydh yn kemenethow, bargennyow tir, skolyow ha stretow a-dreus Kernow. Y leveris chifys an rester dhe vos desinys rag gweres Pow Sows ow trehedhes an Kosten a hwetek poynt pymp kansran a gudhlen nenlen ha gwedhek erbynn dew vil deg ha dew ugens. TRANSLATION The Forest for Cornwall scheme started in 2019 in a bid to help the area respond to climate change. A Cornwall Council spokesman said the money should help the authority reach its target of 8,000 hectares of "new tree canopy by 2035". The project has included tree planting in communities, farms, schools and streets across Cornwall. Bosses said the scheme was designed to help England reach the target of 16.5% canopy and woodland cover by 2050. RECORDING 3: An ragdres a gans deg ha dew ugens a vilvilyow a beunsow orth porthow lestri Aberfala a wrussa myska drehevel ranndiryow bras a wodhes dhyworth porth an dre rag alowa gorholyon morviaj dh’y usya. Mes herwydh Trest Godhvewnans Kernow na vo provow gwrys kyns an ober manylys lowr rag aswon pub godhes stronkys. Herwydh kaskyrghoryon dhe dhrehevel godhes a alsa livra defolyansow. Keffrys hag alowa lestri brassa dhe usya an porthow lestri, an ragdres a gomprehend ynwedh gwruthyl ranndir nowydh rag keskorra dinythellow treden gwyns a neuvel yn mor. Yma govenek ynwedh an dastisplegyans a wra dewblekhe an dalghuster karg ha fres orth an porthow lestri ha dinythi a-dro dhe dredhek milvil peuns y’n ekonomieth leel. Henn yw oll ahanav vy. Seythen da genowgh. TRANSLATION The £150m project at Falmouth Docks would involve dredging large areas of sediment from the town's harbour to allow cruise ships to use it. But according to Cornwall Wildlife Trust testing carried out ahead of the work might not be detailed enough to identify all contaminated sediment. According to campaigners dredging could release pollutants. Along with allowing larger vessels to use the docks, the project also includes creating a new area for putting together floating offshore wind turbines. It is also hoped the redevelopment would double the cargo and freight capacity at the docks and generate about £13m into the local economy. That’s all from me, have a good week. PRESENTER: Thank you – this week’s An Nowodhow was written and read by Kensa Broadhurst and the editor was Steve Harris. You can listen to the programme again via the BBC Cornwall website, go to bbc.co.uk/cornwall and scroll to the BBC Radio Cornwall best bits. Photo of St Mawes by BBC Weather Watcher Jane Lewarne.