Am Ballon d'Or, dealbhan-camara agus taghadh taighe

Available for 29 days

Tha an duais bhall-coise chliùiteach, am Ballon d'Or, a' comharrachadh trì fichead bliadhna 's a deich am-bliadhna, agus thèid ainmeachadh aig deireadh na mìosa cò a bhuannaicheas i. Chaidh a' gheàrr-liosta fhoillseachadh agus tha deichnear bho sgioba Paris Saint-Germain air an cur air adhart, còmhla ri grunn shàr-chluicheadairean eile. Tha Dòmhnall MacEanraig agus D. K. Mac a' Phì, a tha le chèile a' leantainn ball-coise gu dlùth, a' beachdachadh air cò a tha airidh air am Ballon d'Or a bhuannachadh. Chan urrainnear a h-uile dealbh-camara a thogail sa bhad. Bidh luchd-dhealbh uaireannan a' feitheamh ùine mhòr gus an dearbh dhealbh a tha iad ag iarraidh a ghlacadh. Tha Emma a' cluinntinn bho Chaluim Aonghais MhicAoidh mu na dealbhan-camara as duilghe a thog e fhèin. Agus cothrom eile èisteachd ris an taigh a thagh Patsi NicChoinnich mar an taigh far am bu mhiann leatha fuireach.