ਡੌਨ ਬਰੈਡਮੈਨ ਅੱਜ ਵੀ ਇੱਥੇ ਪ੍ਰੈਕਟਿਸ ਕਰਦੇ ਨਜ਼ਰ ਆਉਂਦੇ ਹਨ
ਤਸਵੀਰ ਸਰੋਤ, PA
- ਲੇਖਕ, ਨਿਤਿਨ ਸ਼੍ਰੀਵਾਸਤਵ
- ਰੋਲ, ਬੀਬੀਸੀ ਪੱਤਰਕਾਰ, ਐਡੀਲੇਡ ਤੋਂ
- ਪ੍ਰਕਾਸ਼ਿਤ
- ਪੜ੍ਹਨ ਦਾ ਸਮਾਂ: 2 ਮਿੰਟ
ਦੁਨੀਆਂ ਦੇ ਮਹਾਨ ਬੱਲੇਬਾਜ਼ ਕਹਾਉਣ ਵਾਲੇ ਸਰ ਡੌਨ ਬ੍ਰੈਡਮੈਨ ਦੇ ਸ਼ਹਿਰ ਐਡੀਲੇਡ ਜਾ ਕੇ ਉਨ੍ਹਾਂ ਨੂੰ ਨੇੜਿਓਂ ਨਾ ਦੇਖਣਾ ਕਿਸੇ ਕ੍ਰਿਕਟ ਦੇ ਪ੍ਰਸੰਸਕ ਲਈ 'ਪਾਪ' ਹੀ ਸਮਝਿਆ ਜਾਵੇਗਾ।
ਸਰ ਡੌਨ ਬ੍ਰੈਡਮੈਨ ਤਾਂ 2001 'ਚ ਦੁਨੀਆਂ ਨੂੰ ਅਲਵਿਦਾ ਕਹਿ ਗਏ ਸਨ ਪਰ ਉਨ੍ਹਾਂ ਦੀ ਇੱਛਾ ਮੁਤਾਬਕ ਉਨ੍ਹਾਂ ਦੇ ਮਨਪਸੰਦ ਐਡੀਲੇਡ ਮੈਦਾਨ ਵਿੱਚ 2008 ਵਿੱਚ ਇੱਕ ਮਿਊਜ਼ੀਅਮ ਬਣਾਇਆ ਗਿਆ ਸੀ।
ਅੰਦਰ ਪੈਰ ਰੱਖਦਿਆਂ ਹੀ ਇਹ ਮਿਊਜ਼ੀਅਮ ਤੁਹਾਨੂੰ ਇਤਿਹਾਸ ਵੱਲ ਲੈ ਜਾਂਦਾ ਹੈ ਕਿਉਂਕਿ ਇੱਥੇ ਸਿਰਫ਼ ਉਹ ਸਾਮਾਨ ਹੈ ਜਿਸ ਨੂੰ ਬ੍ਰੈਡਮੈਨ 1927 ਤੋਂ 1977 ਤੱਕ ਇਸਤੇਮਾਲ ਕਰਦੇ ਸਨ।
ਇਹ ਵੀ ਪੜ੍ਹੋ:
ਤਸਵੀਰ ਸਰੋਤ, THE BRADMAN MUSEUM/BBC
ਮਿਊਜ਼ੀਅਮ ਵਿੱਚ ਦਾਖ਼ਲ ਹੁੰਦਿਆਂ ਹੀ ਖੱਬੇ ਪਾਸੇ ਉਨ੍ਹਾਂ ਦਾ ਮਨਪਸੰਦ ਸੋਫਾ ਹੈ ਅਤੇ ਲੱਕੜ ਦਾ ਵੱਡਾ ਜਿਹਾ ਰੇਡੀਓ ਹੈ, ਜਿਸ ਨਾਲ ਖ਼ਬਰਾਂ ਅਤੇ ਕਮੈਂਟਰੀ ਸੁਣਦੇ ਸਨ।
ਇਸ ਦਾ ਨਾਲ ਹੀ ਅਲੂਮੀਨੀਅਮ ਦਾ ਇੱਕ ਵੱਡਾ ਡਰੰਮ ਰੱਖਿਆ ਹੋਇਆ ਹੈ, ਜਿਸ ਦੇ ਸਾਹਮਣੇ ਇੱਕ ਸਟੰਪ ਅਤੇ ਰਬੜ ਦੀ ਗੇਂਦ ਟੰਗੀ ਹੋਈ ਹੈ।
ਇਸ ਦੇ ਸਾਹਮਣੇ ਇੱਕ ਐਲਸੀਡੀ ਵੀਡੀਓ ਚੱਲ ਰਿਹਾ ਹੈ, ਜਿਸ ਵਿੱਚ ਖ਼ੁਦ ਡੌਨ ਬ੍ਰੈਡਮੈਨ ਸਟੰਪ ਅਤੇ ਗੇਂਦ ਨਾਲ ਪ੍ਰੈਕਟਿਸ ਕਰ ਰਹੇ ਹਨ।
ਤਸਵੀਰ ਸਰੋਤ, THE BRADMAN MUSEUM/BBC
ਨੇੜੇ ਪਏ ਸ਼ੀਸ਼ੇ ਦੇ ਰੈਕ ਵਿੱਚ ਉਨ੍ਹਾਂ ਦਾ ਉਹ ਬਲੇਜ਼ਰ (ਕੋਟ) ਟੰਗਿਆ ਹੈ, ਜਿਸ ਨੂੰ ਉਨ੍ਹਾਂ ਨੇ ਚਰਚਿਤ 'ਬਾਡੀਲਾਈਨ' ਏਸ਼ੇਜ਼ ਸੀਰੀਜ਼ ਦੌਰਾਨ ਪਹਿਨਿਆ ਸੀ।
ਵੱਡੀਆਂ-ਵੱਡੀਆਂ ਤਸਵੀਰਾਂ ਵਿੱਚ ਡੋਨ ਬ੍ਰੈਡਮੈਨ ਦੇ ਸ਼ਾਨਦਾਰ ਜੀਵਨ ਦਾ ਸਫ਼ਰ ਦੇਖਿਆ ਜਾ ਸਕਦਾ ਹੈ।
ਇਹ ਵੀ ਪੜ੍ਹੋ:
ਕਿਸੇ ਤਸਵੀਰ ਵਿੱਚ ਇੰਗਲੈਂਡ ਦੇ ਰਾਜਕੁਮਾਰ ਦੇ ਨਾਲ ਘੁੰਮ ਰਹੇ ਅਤੇ ਕਿਸੇ ਵਿੱਚ ਗੈਰੀ ਸੋਬਰਸ ਤੇ ਈਅਨ ਚੈਪਲ ਵਰਗੇ ਖਿਡਾਰੀ ਆਪਣੀ ਠੋਢੀ 'ਤੇ ਹੱਥ ਰੱਖ ਕੇ ਬੈਠੇ ਹੋਏ, ਉਨ੍ਹਾਂ ਨੂੰ ਧਿਆਨ ਨਾਲ ਸੁਣ ਰਹੇ ਹਨ।
ਤਸਵੀਰ ਸਰੋਤ, THE BRADMAN MUSEUM/BBC
ਖ਼ੁਦ ਡੌਨ ਬ੍ਰੈਡਮੈਨ ਨੇ ਇਨ੍ਹਾਂ ਸਾਰੀਆਂ ਚੀਜ਼ਾਂ ਨੂੰ ਸਾਂਭ ਕੇ ਦੱਖਣੀ ਆਸਟਰੇਲੀਆ ਦੀ ਸਟੇਟ ਲਾਈਬ੍ਰੇਰੀ ਵਿੱਚ ਰਖਵਾਇਆ ਸੀ।
ਉਨ੍ਹਾਂ ਦੀਆਂ ਜਿੱਤੀਆਂ ਹੋਈਆਂ ਕਰੀਬ ਸਾਰੀਆਂ ਵੱਡੀਆਂ ਟਰਾਫੀਆਂ ਵੀ ਇਸ ਮਿਊਜ਼ੀਅਮ ਦਾ ਹਿੱਸਾ ਹਨ, ਜਿਨ੍ਹਾਂ ਨੂੰ ਰੋਜ਼ ਚਮਕਾਇਆ ਜਾਂਦਾ ਹੈ।
ਤਸਵੀਰ ਸਰੋਤ, THE BRADMAN MUSEUM/BBC
ਮੇਰੀਆਂ ਨਜ਼ਰਾਂ ਇੱਕ ਸ਼ੈਲਫ 'ਤੇ ਕਰੀਬ 5 ਮਿੰਟ ਤੱਕ ਟਿਕੀਆਂ ਰਹੀਆਂ। ਇੱਥੇ ਡੌਨ ਬ੍ਰੈਡਮੈਨ ਦੇ ਉਹ ਬੱਲੇ ਪਏ ਸਨ, ਜਿਨ੍ਹਾਂ ਨਾਲ ਉਨ੍ਹਾਂ ਨੇ ਕ੍ਰਿਕਟ ਵਿੱਚ ਹਰ ਉਹ ਰਿਕਾਰਡ ਬਣਾਇਆ, ਜੋ ਉਸ ਵੇਲੇ ਬਣ ਸਕਦਾ ਸੀ।
ਤੁਹਾਨੂੰ ਇਹ ਵੀਡੀਓ ਵੀ ਪਸੰਦ ਆਉਣਗੇ
ਇਸ ਲੇਖ ਵਿੱਚ Google YouTube ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ Google YouTube ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of YouTube post, 1
ਇਸ ਲੇਖ ਵਿੱਚ Google YouTube ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ Google YouTube ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of YouTube post, 2
