An Nowodhow - the News in Cornish
Photo of Looe by BBC Weather Watcher JuAndySorrel.
RECORDING 1: Negysyow, servisyow goredhom ha kowethyansow karyans yn Kernow a ombrevis godorrans dres an torrans gonis keswlasek Microsoft Dy’Gwener eus passys. Teams, Outlook ha Copilot a veu nasyes, ha Microsoft a leveris nag alsa dell waytsens assayansow dhe ewna an kudynnow torrans, hag a besyas moy es ugens our. Microsoft a leveris nag o an torrans hwarvedhyans diogeledh ciber, mes y feu kawsys gans kudyn teknek. Y tiharesas rag an godorrans. Doktour Tim Frank, medhek NHS yn Pennsans, a leveris dhe’n BBC, bos askorrasow Microsoft ‘kresel’ dhe’n oberyans a with kyns ha gonisyow kemeneth yn y ranndir. Menyster Defens Luke Pollard, neb yw esel senedh Lavur rag Aberplymm Sutton ha Porth Dewnans, a leveris dhe’n BBC bos edhom dhe gevreythyow bos moy stout.
TRANSLATION: Businesses, first responders and transport companies in Cornwall experienced disruption during an international Microsoft outage last Friday. Teams, Outlook and Copilot were affected and Microsoft said attempts to fix the issue had not gone as expected, with the outage lasting more than 20 hours. Microsoft said the outage was not a cyber-security incident but was caused by a technical issue. Dr Tim Frank, an NHS GP in Penzance, Cornwall, told BBC Radio 4's Today programme Microsoft products were "central" to the operation of his area's primary care and community services. Defence Minister Luke Pollard, the Labour MP for Plymouth Sutton & Devonport, told BBC systems needed to be more resilient.
RECORDING 2: Yma pyskadoryon ow kelwel rag skoodhyans governans brassa, dhe ardhyghtya kostys keunys owth ynkressya. Kost a dhisel rudh re droyllyas a-dhia dhalleth an vresel yntra Statys Unys hag Iran, ha meur a gokow Europek a dhegemmer arghans gweres rag keunys. Yn Lulyn, pyskador Paul Corin, mata war Enterprise, a leveris y dhiwettha tro dhe gostya dew vil warn ugens a beunsow yn keunys. Ev a leveris y leha wajys pub huni, awos i dhe gavos rann a’n prow, ytho pubonan a goll mona. Chris Ranford, pennweythresek KowethyasA skorroryon Pysk Kernow, a leveris bos edhom dhe’n governans skoodhya an diwysyans pyskessa. Menyster Pyskessa, Stephen Morgan y hanow a leveris ev dhe wodhvos “an kaletter gwir”, kawsys gans prisyow keunys ughel, ha’n bernyow a-dro dhe gesstrivyans dhyworth kokow Unyans Europek hag yw skoodhys gans arghans gweres.
TRANSLATION: Fishermen are calling for greater government support to cope with rising fuel costs. The cost of red diesel has spiralled since the start of the US-Iran war, and many European fishing boats receive subsidies for fuel. In Newlyn, fisherman Paul Corin, a mate on the Enterprise, said the latest trip had cost £22,000 in fuel.
He said that everybody's wages go down because you get a share of the profit so everyone in the crew loses money. Chief executive of the CFPO said the government needed to back the fishing industry. Fishing minister Stephen Morgan said he recognised "the genuine hardship" high fuel prices were causing and the concerns about competition from EU fishing boats benefiting from subsidies.
RECORDING 3: Yma kowethyans, hag usi owth avonysa an pyth a hanow ev “yeghes glas”, ow kweres tus ow tiwedha enysheans, dre brofya gwriansow arvor, ow komprehendya bagas rosya seythennyek, bagas socyal mordardha, ha dedhyow ‘arvorya’ Crystal Blue Adventures, kowethyans bern kemeneth, a leveris y hallsa bos y wriansow devnydhys gans an re na hag yw gwedhwekhes, torrys aga demedhyans, diweyth, po nowydh y’n ranndir. Kevarwodher Nick Webb y hanow a leveris, y vos chanjyer gwari rag meur a dus. Y keworras ev bos aga thybyans a-dro dhe dhevnydhya an arvor avel fordh may hyll tus dos warbarth. Kath McKenzie a junyas an bagas rosya nans yw bledhen wosa movya dhe Gernow wosa mernans hy gour. Y leveris hi, “nevra ny vetis vy tus mar deg – ni a gevran prederow ha tybyansow – marthys yw.” An kowethyans a leveris bos aga amkan gweres tus y’n kemeneth leel, yowynk ha koth, dhyworth kilvaow anles, po gans plitys brysel po fisegel, owth omlowenhe lesow natur a-hys an arvor marthys Tewynblustri.
TRANSLATION: An organisation promoting "blue health" is helping people end isolation by offering coastline activities, including a walking group, a surf social group and coasteering days. Crystal Blue Adventures, a CIC, said its activities could be used by those who were maybe widowed, divorced, unemployed or new to the area. Director Nick Webb said: "It's been a real game-changer for a lot of people. He added that their idea was all about using the coast as a way to bring people together. Kath McKenzie joined the walking group a year ago after moving to Cornwall with the death of her husband. She said, “I’ve never met such lovely people, we share problems, thoughts and ideas – it’s fabulous. The company said their aim is to encourage people in the local community, young and old, from disadvantaged backgrounds or with mental and physical conditions to enjoy nature's benefits with us along Newquay's stunning coastline.
Duration:
This clip is from
More clips from BBC Radio Cornwall
-
Have you spotted any wallabies in Liskeard?
Duration: 03:43
-
An Nowodhow - the News in Cornish
Duration: 05:26
-
An Nowodhow - the News in Cornish
Duration: 04:08
-
The Par man who creates micro-sculptures
Duration: 05:16