le Cathy NicDhòmhnaill

Dè as coireach gu bheil cuid a thaighean-staile nan tàmh 's cus uisge-beatha aca, nach gabh a reic? Tha an t-eòlaiche eaconomachd, Coinneach MacMhathain a' toirt sùil air a' chùis.

Bho chionn ghoirid, bha dithis charaid, tè à Glaschu agus tè à Aimeireagaidh, a' comharrachadh 70 bliadhna de bhith sgrìobhadh litrichean gu chèile. Robh penpal a-riamh agaibhse? Tha Cathy a' còmhradh ri dithis aig an robh agus a tha fhathast a' cumail a' chàirdeis sin a' dol.

'S i Ann Mhoireasdan cèiliche na seachdain. Rugadh is thogadh Ann ann an Glaschu mus do thill an teaghlach air ais a Leòdhas. Tha i an sàs ann a bhith a' cruthachadh phrògraman telebhisein agus na neach-teagaisg, agus na h-ùine fhèin tha i dèidheil air còcaireachd agus coiseachd.