"Кызым кайда?" Эки жыл мурун Москвада терактта жоголгон Эдита табыла элек

Москвадагы «Крокус Сити Холлдогу» теракт учурунда дайынсыз жоголгон Эдита Жусупованын тагдыры бүгүнкү күнгө чейин белгисиз. Эдитанын апасы Жылдызкан Токтомуратова кызынын кайда экенин билүү үчүн бардык мүмкүн болгон жолдорду издеп, издөө иштерин Интерпол аркылуу улантууну өтүнүп, Ош шаардык милициясына арыз менен кайрылды.