Shugaban Paraguay Santiago ya yi murabus bayan badaƙala a bankunan ƙasar

Asalin hoton, John Lamparski/Bloomberg via Getty Images
Shugaban Paraguay, Santiago Peña, ya sanar da yin murabus daga mukaminsa bayan wata badakala da ta shafi ɗaya daga cikin manyan bankunan ƙasar.
A cikin wani bidiyo da ya wallafa a kafafen sada zumunta, Mista Peña ya nemi afuwar ‘yan Paraguay, yana mai cewa ba manufarsa ba ce ya ci amanar da suka ba shi.
Mista Peña na fuskantar shari’ar tsige shi daga mukami saboda alaƙarsa da Ueno Bank, wanda ya shiga wani hali na matsalar kuɗi da ya kai ga fara shirin rushewarsa.
Wakiliyar BBC ta ce ana zarginsa da rufa-rufa da kuma badakala da kudaden fansho.
Lamarin ya bar kusan abokan hulɗa miliyan uku ba tare da damar amfani da asusunsu ba. Jam’iyyarsa ma ta haɗa kai da ‘yan adawa wajen goyon bayan fara shari’ar tsige shi a majalisar dattawan ƙasar.



























