Ceri Holland yn holliach ar gyfer y gemau ail gyfle yn erbyn Norwy

Ceri HollandFfynhonnell y llun, Getty Images
Disgrifiad o’r llun,

Dydy ymosodwr Lerpwl, Ceri Holland ddim wedi chwarae ers mis Medi oherwydd anaf

GanIfan Ywain
BBC Cymru Fyw
  • Cyhoeddwyd

Mae Ceri Holland wedi ei chynnwys yng ngharfan Cymru ar gyfer rownd derfynol gemau ail gyfle Cwpan y Byd fis nesaf.

Mae Holland, un o chwaraewyr mwyaf dylanwadol Cymru, wedi bod allan ers mis Medi oherwydd anaf i gyhyr yn ei choes.

Mae Olivia Clark, Hayley Ladd, Rhiannon Roberts ac Ella Powell hefyd yn dychwelyd i garfan Rhian Wilkinson ar gyfer y ddwy gêm yn erbyn Norwy.

Dydy Ffion Morgan, Laura Hughes na Scarlett Hill wedi eu cynnwys oherwydd anafiadau.

Fe fydd Cymru yn wynebu Norwy yng nghymal cyntaf y gemau ail gyfle ar 1 Rhagfyr yng Nghaerdydd cyn teithio i Oslo ar gyfer yr ail gymal ar 5 Rhagfyr.

Ond oherwydd natur gymhleth y rowndiau rhagbrofol, mae'n bosib na fyddai buddugoliaeth yn erbyn Norwy yn ddigon i sicrhau lle Cymru mewn Cwpan y Byd y merched am y tro cyntaf.

Yn ddibynnol ar wahanol ffactorau a chanlyniadau, mae'n bosib y byddai'n rhaid i Gymru chwarae mewn gemau ail gyfle rhyng-gyfandirol ym mis Chwefror hefyd os am sicrhau eu lle ym Mrasil.

Y garfan yn llawn

Olivia Clark (Caerlŷr), Soffia Kelly (Aston Villa), Safia Middleton-Patel (Watford – ar fenthyg o Manchester United), Hannah Cain (Everton), Mayzee Davies (Manchester City), Gemma Evans (Newcastle United), Olivia Francis (Wolverhampton Wanderers), Casi Gregson (Newcastle United), Mared Griffiths (Manchester United), Ceri Holland (Lerpwl), Elise Hughes (Sunderland), Sophie Ingle (Bristol City), Angharad James (Seattle Reign), Lois Joel (Newcastle United), Carrie Jones (IFK Norrkoping), Hayley Ladd (Crystal Palace), Esther Morgan (Bristol City), Mary McAteer (Ipswich Town – ar fenthyg o Charlton Athletic), Phoebie Poole (Watford), Ella Powell (Bristol City), Rhiannon Roberts (Sunderland), Rachel Rowe (Nottingham Forest), Tianna Teisar (Watford), Lily Woodham (Lerpwl), Chloe Williams (Wolverhampton Wanderers), Gwen Zimmerman (Northwestern NCAA).

Dilynwch Cymru Fyw ar Facebook, dolen allanol, X, dolen allanol, Instagram, dolen allanol neu TikTok, dolen allanol.

Anfonwch unrhyw syniadau am straeon i cymrufyw@bbc.co.uk, dolen allanol .

Lawrlwythwch yr ap am y diweddaraf o Gymru ar eich dyfais symudol.