Rhybudd melyn am niwl trwchus yn y gogledd a'r canolbarth

Traphont ddŵr Pontcysyllte yn Nhrefor yn y niwl ben bore Llun gyda choed ac Afon Dyfrdwy o'i blaenFfynhonnell y llun, BBC Weather Watchers/Ruth Davies
Disgrifiad o’r llun,

Traphont ddŵr Pontcysyllte yn Nhrefor, Sir Wrecsam yn y niwl ben bore Llun

GanRhian Price
BBC Cymru Fyw
  • Cyhoeddwyd

Mae yna rybudd i yrwyr bwyllo yn rhannau o'r gogledd a'r canolbarth oherwydd niwl trwchus.

Mae'r Swyddfa Dywydd wedi cyhoeddi rhybudd melyn am niwl sy'n berthnasol i siroedd Conwy, Dinbych, Y Fflint, Wrecsam a Phowys.

Gan ddechrau am 18:00 nos Lun, fe fydd mewn grym tan 10:00 fore Mawrth.

Mae disgwyl i'r niwl ddwysáu wrth iddi nosi, gan olygu na fydd modd gweld ymhellach na hyd at 100 metr o'ch blaenau mewn rhai mannau.

Fe allai hynny achosi oedi i deithwyr bws a thrên, a'r posibilrwydd o orfod gohirio neu ganslo teithiau fferi a hediadau, cyn i'r niwl ddechrau clirio yn ystod y bore.

Mae yna gyngor i'r cyhoedd chwilio am wybodaeth ddiweddaraf am yr amodau ar y ffyrdd ac amserlenni trafnidiaeth gyhoeddus, a chaniatáu mwy o amser ar gyfer bob siwrne neu addasu eu cynlluniau os oes rhaid.

Llyn a choed dan niwl ben bore Llun yn ardal Capel Curig gyda bryniau yn y cefndirFfynhonnell y llun, BBC Weather Watchers/Gwydyr
Disgrifiad o’r llun,

Roedd hi'n niwlog ben bore yn ardal Capel Curig hefyd

Dilynwch Cymru Fyw ar Facebook, dolen allanol, X, dolen allanol, Instagram, dolen allanol neu TikTok, dolen allanol.

Anfonwch unrhyw syniadau am straeon i cymrufyw@bbc.co.uk, dolen allanol neu cysylltwch drwy WhatsApp ar 07709850033.

Lawrlwythwch yr ap am y diweddaraf o Gymru ar eich dyfais symudol.

Pynciau cysylltiedig