Plentyn, 13, mewn cyflwr difrifol wedi gwrthdrawiad beic trydan

Mae plentyn 13 oed yn parhau mewn cyflwr difrifol yn yr ysbyty wedi'r gwrthdrawiad brynhawn Llun
- Cyhoeddwyd
Mae plentyn 13 oed mewn cyflwr difrifol yn yr ysbyty yn dilyn gwrthdrawiad rhwng beic trydan a beic modur trydan.
Cafodd y gwasanaethau brys eu galw i'r digwyddiad ar Bush Hill ym Mhenfro am tua 14:00 ddydd Llun.
Fe wnaeth y plentyn 13 oed oedd yn gyrru'r beic trydan ddioddef anafiadau a gredir yn wreiddiol fyddai'n peryglu ei fywyd.
Maen nhw'n parhau yn yr ysbyty mewn cyflwr difrifol ond sefydlog.
Cafodd plentyn arall 16 oed, a oedd yn gyrru beic modur trydan, ei arestio ar amheuaeth o achosi anaf difrifol drwy yrru yn beryglus ond mae'r plentyn bellach wedi ei ryddhau ar fechnïaeth tra bod ymholiadau yn parhau.
Mae'r heddlu'n galw ar unrhyw un sydd â gwybodaeth all fod o ddefnydd i'r ymchwiliad i gysylltu â nhw.
Dilynwch Cymru Fyw ar Facebook, dolen allanol, X, dolen allanol, Instagram, dolen allanol neu TikTok, dolen allanol.
Anfonwch unrhyw syniadau am straeon i cymrufyw@bbc.co.uk, dolen allanol neu cysylltwch drwy WhatsApp ar 07709850033.
Lawrlwythwch yr ap am y diweddaraf o Gymru ar eich dyfais symudol.