Dyn 46 oed wedi marw yn dilyn gwrthdrawiad ym Mro Morgannwg

Mae'r heddlu'n ymchwilio i achos y gwrthdrawiad
GanIolo Roberts
BBC Cymru Fyw
- Cyhoeddwyd
Mae dyn 46 oed wedi marw yn dilyn gwrthdrawiad rhwng dau gerbyd ar Port Road ym Mro Morgannwg fore Gwener.
Digwyddodd y gwrthdrawiad ychydig cyn 07:00, ac roedd yn cynnwys Range Rover a bws.
Roedd y dyn 46 oed yn gyrru'r Range Rover. Mae ei deulu wedi cael gwybod am ei farwolaeth.
Roedd gyrrwr y bws ar ei ben ei hun yn y cerbyd ac ni chafodd anafiadau difrifol.
Mae Heddlu De Cymru yn ymchwilio i amgylchiadau'r gwrthdrawiad ac yn apelio ar unrhyw un a welodd yr hyn ddigwyddodd i gysylltu â nhw.