Dynes yn y carchar ar ôl poeri ar wyneb swyddog heddlu
Carcharu dynes am boeri ar wyneb swyddog heddlu mewn ysbyty
- Cyhoeddwyd
Mae dynes 31 oed wedi cael ei charcharu am dros flwyddyn ar ôl poeri ar wyneb swyddog heddlu yng ngogledd Cymru.
Mae fideo o gamera corff yr heddlu yn dangos rhan o'r digwyddiad, pan boerodd Kimberley Ann Evans i geg a llygaid y swyddog wrth iddi gael ei harestio ym mis Awst 2025.
Cyfaddefodd y ddynes, sydd heb gyfeiriad sefydlog, i ymosod ar weithiwr y gwasanaethau brys.
Cafodd ddedfryd o 58 wythnos yn y carchar yn Llys y Goron yr Wyddgrug ar 16 Tachwedd.
Dywedodd yr Arolygydd Jamie Owens fod swyddogion yn "haeddu cyflawni eu dyletswyddau heb ofni ymosodiad".
Ychwanegodd fod poeri ar wyneb swyddog yn "ffiaidd ac yn ffordd gwbl annerbyniol o ymddwyn".
"Byddwn yn parhau i gymryd camau cadarn yn erbyn unrhyw un sy'n bygwth diogelwch gweithwyr y gwasanaethau brys neu'r gymuned ehangach," meddai.
Dilynwch Cymru Fyw ar Facebook, dolen allanol, X, dolen allanol, Instagram, dolen allanol neu TikTok, dolen allanol.
Anfonwch unrhyw syniadau am straeon i cymrufyw@bbc.co.uk, dolen allanol .
Lawrlwythwch yr ap am y diweddaraf o Gymru ar eich dyfais symudol.